Meunoe hikayat bak saboh masa
udeep keuh agam lam saboh bangsa
Bangsa nyan meugah banlheuh masa prang
inong ngon agam udeep lam sarang
Bak saboh lampoh bungoeng si tangke
si agam jaga awai ngon akhe
Meunan keuh uroe ka dengon malam
agam meunafsu bungoeng beu keumang
Han ji pet mata han jigrak gaki
bungoeng dijaga punoeh bakeuti
Uroe ngon malam bungong disiram
hana ji teupeu akhee meu apam
Ka abeih uroe mulingkeu ngon thon
agam jak siat u nanggroe bubon
Bungoeng lam lampoh tinggai keu sidroe
ka dari suboh sampoe an leuhoe
Hana jisangka si agam lalee
hana jiteupeu bungoeng ka malee
Teuka lah bubrang lam saboh watee
bungoeng nyang keumang luroeh bak tangke
Bungoeng ka lalee ka dengoen bubrang
hana teuingat agam di seberang
Bungoeng ka laloe ka dengon bubrang
nibak si uroe ka keunong labang
Meuganto buleun si agam ceukang
teuingat keu bungoeng lam lampoh lawang
DI naggroe bubon laju diriwang
teubayang-bayang bungoeng meucanang
Oh troek u lampoh agam ka laklok
jieu eu nyak bungoeng hana bak tangke
Jimita laju ban rata calok
gundah pikiran ji ek lam ulee
Sadarlah agam bungoeng ka layee
ka roet lam jaroe bubrang meupuree
Sinan keuh agam jimoe han sakoe
jiroe ie mata meutalo-taloe
Agam ji sujud puwoe bak rabbi
pakon tekeudi lage nyoe neubri
Dijak peukleih droe bak bineih pasi
meuharap rabbon ubah tekeudi
Bungoeng dikuta kalaloe sabee
dalam istana dua ngon bubrang
Meucumbu rayu uroe ngon malam
hana ingat le agam nyang siram
Adoe metuah adun meubahgia
meunoe hikayat bungoeng ngon bubrang
Agam nyang seudeih meu ila-ila
gaseih ngon sayang jeut keu bencana
[Beutong, September 2010]
0 komentar:
Poskan Komentar